小紅館 (已結業)

观塘出名多好嘢食，不过最近朋友介绍，话呢间餐厅嘅鸡煲好好食，咁就打算约埋班朋友嚟试吓啦。不过一嚟到，又比佢其他小菜吸引咗，咁就决定一齐叫几个小菜分享，下次先再试鸡煲啦。因为佢嘅鸡煲星期一至四会半价，咁就梗系等星期一至四先来食啦。而且见到隔篱枱嘅小菜好似都好正，睇落已经好有镬气，所以都系试咗小菜先。我哋叫咗个二人餐，佢有粟米羹送，竟然仲要好大碗。我哋五个人一人饮咗一碗仲有剩。而且仲有嘢饮同白饭送，所以呢个二人餐好抵。我哋叫咗好多唔同嘅小菜，我自己就觉得最好食嘅就系呢个蜜椒薯仔牛柳粒，佢嘅牛柳粒食落好高质，咬落唔会太硬又唔会太冧，而且好有牛味，同埋佢好香口好啱送饭。而呢个辣子鸡我朋友就赞不绝口，虽然佢系唔钟意食辣嘅人，但系佢话佢嘅香辣味啱啱好，又唔会盖过啲鸡既味，而且鸡肉都炸得好脆，外脆内嫩。呢间餐厅又平又抵食，而且仲成日有优惠，唔怪得次次经过都见到佢坐满客人啦。