影片
更多
2022-12-19
21 浏览
今日 lunch 同屋企人去咗邻近启德站嘅十二味食四川菜，去嘉峰汇都好近，餐厅好大好阔落，仲有好大嘅落地玻璃，所以好光猛，仲可以望到对面嘅狮子山添！坐底咗就用 QR code 落单，每人有一小碟嘅前菜，里面有辣椒肉碎豆角同青瓜，辣辣地都几开胃。Lunch set 叫咗酸菜鱼配粉条套餐 & 腰果宫保鸡丁套餐，餐饮我就叫咗欲望酸梅 & 桂花冰酿，小食叫咗个凉拌土豆丝，甜品就叫咗红糖糍粑。小食凉拌土豆丝好爽脆，味道酸酸辣辣好开胃，可以挑选唔同辣度。虽然系午市套餐，但系份量都大碟！酸菜鱼除咗可以拣辣度外，仲可以拣少油！酸菜鱼嘅鱼肉好滑，份条又好弹牙！里面仲有酸菜同埋菇，今次叫咗中辣啱啱好，又麻又辣好正！上面中洒咗啲菊花嘅花瓣点缀，卖相都唔错！套餐仲跟咗碗白饭，如果唔食到咁多可以拣少饭。另一个套餐腰果宫保鸡丁又系好好味！落单嘅时候可以拣少盐少油，虽然碟𩠌好多干辣椒，但真系一啲都唔辣，但有辣椒嘅香味，啲汁甜甜地，腰果又脆，夹埋好 match！杯欲望酸梅一上枱吓亲我！劲大只玻璃杯！里面仲加咗一片柠檬吊下味，食完辣嘢饮返杯酸梅汤又系好夹。杯桂花冰酿甜甜地，好香桂花味，配埋个小酒瓶同小杯特别有风味。红糖
坐底咗就用 QR code 落单，每人有一小碟嘅前菜，里面有辣椒肉碎豆角同青瓜，辣辣地都几开胃。
Lunch set 叫咗酸菜鱼配粉条套餐 & 腰果宫保鸡丁套餐，餐饮我就叫咗欲望酸梅 & 桂花冰酿，小食叫咗个凉拌土豆丝，甜品就叫咗红糖糍粑。
小食凉拌土豆丝好爽脆，味道酸酸辣辣好开胃，可以挑选唔同辣度。
虽然系午市套餐，但系份量都大碟！酸菜鱼除咗可以拣辣度外，仲可以拣少油！酸菜鱼嘅鱼肉好滑，份条又好弹牙！里面仲有酸菜同埋菇，今次叫咗中辣啱啱好，又麻又辣好正！上面中洒咗啲菊花嘅花瓣点缀，卖相都唔错！套餐仲跟咗碗白饭，如果唔食到咁多可以拣少饭。
另一个套餐腰果宫保鸡丁又系好好味！落单嘅时候可以拣少盐少油，虽然碟𩠌好多干辣椒，但真系一啲都唔辣，但有辣椒嘅香味，啲汁甜甜地，腰果又脆，夹埋好 match！
杯欲望酸梅一上枱吓亲我！劲大只玻璃杯！里面仲加咗一片柠檬吊下味，食完辣嘢饮返杯酸梅汤又系好夹。
杯桂花冰酿甜甜地，好香桂花味，配埋个小酒瓶同小杯特别有风味。
红糖糍粑系食四川菜必叫嘅，即炸完出嚟热辣辣，外脆内烟靭，点完红糖再点落啲黄豆粉一齐食真系好正！
幺妹儿冰粉里面有啲提子干、桂花、红糖，配埋有咬口嘅冰粉又系好夹，甜甜地又有桂花香，好满足！
我觉得十二味嘅性价比真系好高！下次要再过嚟食！好好味～
张贴
