味川酸菜魚 (已結業)

屋企人系火炭收工，今日又去左火炭觅食，屋企人话呢度开左间新野专食酸菜鱼，我地就即刻冲过去试试佢。🤣虽然可以坐既位唔多，装潢都比较简单，但估唔到都几满座。店员服务都好好，会好详细咁介绍，欣赏。👍如果以份量计，个价钱我觉得都几平下。2个人食到要打包走都系人均$170-180左右，真系几抵！🤩味川酸菜鱼 （标准 $188）一上枱就觉得超级大碟。基本上入到黎每一枱都会叫呢个，因为真系好高质！🤤佢用既系炉鱼，鱼超级滑，而且好有质感，入口觉得好爽。😋个汤底就小小麻小小辣，好浓郁，系会愈饮愈上瘾！😆超正。个碟上面食住“鱼好吃汤更好喝”，我都几认同！🤣黄金软壳蟹 （$115）份量超多，个皮又炸得好脆。咸蛋黄味好香好重味，正！软壳蟹好松软，外脆内软，好爽！😍我觉得呢个配酸菜鱼超夹，食到好麻好辣再食几块黄金软壳蟹，味道上好夹！👍尖椒溏心皮蛋 （ $48）皮蛋晶莹剔透，皮蛋味好突出。 调味做得非常好， 好香好浓！ 呢个真系超开胃！🤤冻奶茶另外叫左2杯冻奶茶，都几香滑，奶同茶既比例合我心意。