發哥粥底海鮮火鍋 (已結業)

係九龍灣揾朋友個時經過景發工業中心附近拎到張20蚊優惠卷，原來附近新開左間火鍋店，咁不如就揾反幾個FD試下啦，反正近排都冇打過邊爐。約左大約7點幾就去啦，大廈出面有一大個招牌寫住 火鍋]，好易揾，入到去升降機旁邊門行入去就到。不過招牌係寫住 ，所以大家見到吾好懷疑自己揾錯地方。入到去有2個價錢選擇$258/198，問左阿姐可吾可以一枱用2個價錢，佢又話得，同出面好唔同，難得可以2種選擇，正!!!!! 環境都吾差，地方光猛又舒服，坐位都吾迫。飲品就好似放題咁，自助式自己拎。不過冇酒精飲品，但係我會推介竹蔗水，因為好好飲，叫左幾次，正~~~未食雞煲前，我地先食左個刺身，3種都幾新鮮，帶子係我最愛，大家一定要食。主角雞煲份量十足，個個都食到吾少，味道又正，吾會太喊。食完個煲，阿姐好快手就幫我地轉左個粥底打邊爐。火鍋醬料基本6样都OK不過火鍋材料就有好多選擇，有成58種，一D都唔會悶。我點左多寶魚，墨魚丸，肥牛，滑牛肉，韭菜餃，海沙白(蜆)，蝦，生菜，自家蝦滑，松花皮蛋。。。。。。本人有以下重點推介 1.多寶魚，因為CP值高，街巿買都吾平，依家仼食，又好食。仲要勁新鮮勁滑!2. 海沙白，好甜