發哥粥底海鮮火鍋 (已結業)

劲耐冇出观塘 今日黎到当然要揾埋食先走人 揾到呢间发哥粥底海鲜火锅 好似几特别入到去佢空间劲大 好宽敞嘅感觉 坐得非常舒适 工作人员仲好热心 解释比我地听有咩拣 点样拣同食 好细心哦最后我地选择左海蟹锅 每个set都有2碟开胃菜 炖汤同每人2只蒜蓉泰式青口 个炖汤好正😭 开左盖成10分钟仲热辣辣 好够火候 入面有菇 猪肉同鸡脾肉 呢排天气凉凉地感觉好滋补😋另外青口一出 就可以预计今晚食嘅所有海鲜都会好高质🤪 因为青口真系好大只！加上呢种海鲜本身只要有最轻微嘅唔新鲜都会腥 但佢真系100％新鲜 正呀🤫然后个set可以鲍鱼2拣1 可拣新鲜鲍鱼用黎打边边或者即食嘅冰镇鲍鱼 佢呢度嘅冰镇鲍鱼系正到傻 配搭埋芝麻酱 呢个组合好清新 搞到我狂喺度点🤫咁每个餐都会有埋个海鲜盘 包括我地拣左嘅海蟹同大约6款海鲜 真系救命 因为款款都咁鲜甜 蟹有靓羔 其他贝类又够大 有肉地 成件事都好高质咁喺食完海鲜之后就可以用埋其他8款自选嘅边炉配料打边边 最后会净低一煲好多海鲜汤同肉汁嘅粥底 因为其实我地一直都系用紧粥水黎打边边架 够晒特别！咁最后放埋餐厅准备左比我地嘅粥底落去 就变成好绵嘅一煲鲜甜粥啦🤪 呢餐真心