Coedo Taproom (Fashion Walk) (已結業)

呢晚约咗同事食晚饭，去咗呢间位于铜锣湾嘅居酒屋～因为呢间餐厅最出名嘅系手工啤酒，所以我地就order咗一个串烧+啤酒 platter。那间餐厅好讲究，每款串烧都要配上唔同嘅啤酒一齐食～串烧同啤酒各有五款。串烧有鸭胸、鸡肉、冬菇、牛舌、猪肉(配面豉酱)同牛肉。每款味道都好好，烧得好香口。鸭胸充满油香；鸡肉好嫩滑，配上大葱一齐食可以更加带出鸡肉嘅鲜味；冬菇烧得好juicy；牛舌厚切所以口感特别好，食落咸咸香香；猪肉串因为上面加咗面豉酱所以特别惹味；牛肉串加咗孜然粉，所以好香口。啤酒大致上麦味都好浓郁，唔会太苦，好容易入口，其中有带花香味嘅，有带咖啡同朱古力味嘅，呢两款最特别！另外我地仲order左几款小食～咖哩牛肉薄饼味道偏辣，但充满香料味，薄饼好软熟，配上咖哩牛肉酱一齐食简直系绝配！豆腐忌廉芝士沙律豆腐忌廉芝士系餐厅自己整嘅，味道好特别，浓郁嘅芝士配上清爽嘅沙律菜，味道好balance！烤牛油果呢个超级好味！感觉有d似食紧焗薯，牛油果好creamy，加上上面放咗sour cream同烟肉碎，三样材料味道好夹！强推！日式炸薯条大阪烧嘅酱汁、紫菜同木鱼碎令薯条变得不平凡，和风口味嘅薯条感觉几