影片
更多
2021-09-14
81 浏览
今日放工，去尖沙咀会合朋友，朋友知道我好挂住日式烧肉，今日就带我黎呢间日式烧肉店。我地坐系吧台，点完野食，师傅就会埋黎帮你烧，师傅仲会一路烧一路同你倾下计，介绍下食材咁，果然师傅好识掌握时间，每一样都烧到刚刚好。呢度仲有一部sake机，任饮sake都只系$198。牛肉盛合呢款牛肉盛合都几抵食，有齐唔同部位，唔同款式既牛，钟意食牛既必定要试，有牛心、厚切牛舌、美国翼板、美国牛小排、和牛肋条、日本和牛背峰同埋日本和牛三角胸小排，一次过试哂，日本和牛背峰最吸引我，牛味超香，油脂分布平均，而日本和牛三角胸小排就肉质软熟，一咬落去满口都系油脂，入口即溶。烧鳗鲡 烧到外脆内软，鳗鲡肉质软熟，好juicy，师傅仲配左两款唔同酱汁，有烧汁同鳗鱼汁两款，两款都一样好食。活蛏子蛏子不能烧太多，如果唔系会太韧，时间掌握得岩岩好，口感爽脆，仲放上蒜头同葱花去调味。生蚝生蚝好鲜甜，放入牛油去煮，好香好入味。韩式生牛肉 第一次食生牛肉，不过师傅都会将上面个浸烧熟，而里面就依然保持住生既，所以食落都唔会系太生，然后加埋青瓜、蛋汁一齐食，口感新鲜。日本鸡心，日本鸡颈鸡心烧完好爽脆，而鸡颈烧完竟然似鸡脾肉，真系第一次食
今日放工，去尖沙咀会合朋友，朋友知道我好挂住日式烧肉，今日就带我黎呢间日式烧肉店。我地坐系吧台，点完野食，师傅就会埋黎帮你烧，师傅仲会一路烧一路同你倾下计，介绍下食材咁，果然师傅好识掌握时间，每一样都烧到刚刚好。
呢度仲有一部sake机，任饮sake都只系$198。
牛肉盛合
呢款牛肉盛合都几抵食，有齐唔同部位，唔同款式既牛，钟意食牛既必定要试，有牛心、厚切牛舌、美国翼板、美国牛小排、和牛肋条、日本和牛背峰同埋日本和牛三角胸小排，一次过试哂，日本和牛背峰最吸引我，牛味超香，油脂分布平均，而日本和牛三角胸小排就肉质软熟，一咬落去满口都系油脂，入口即溶。
烧鳗鲡
烧到外脆内软，鳗鲡肉质软熟，好juicy，师傅仲配左两款唔同酱汁，有烧汁同鳗鱼汁两款，两款都一样好食。
活蛏子
蛏子不能烧太多，如果唔系会太韧，时间掌握得岩岩好，口感爽脆，仲放上蒜头同葱花去调味。
生蚝
生蚝好鲜甜，放入牛油去煮，好香好入味。
韩式生牛肉
第一次食生牛肉，不过师傅都会将上面个浸烧熟，而里面就依然保持住生既，所以食落都唔会系太生，然后加埋青瓜、蛋汁一齐食，口感新鲜。
日本鸡心，日本鸡颈
鸡心烧完好爽脆，而鸡颈烧完竟然似鸡脾肉，真系第一次食。
柚子果肉雪糕
最后当然要食埋甜品先算系一个完美既终结，平时系出面比较少有既柚子雪糕，呢度竟然有，而我又超钟意食柚子，柚子既香味真系冇得顶。
水果茶
张贴
