Pizzeria Italia (高街)

营业中

休息中

临近圣诞，成日都好想食西餐，朋友介绍呢度呢间意大利菜价钱好平又高质，咁就一于今日嚟试吓啦。知道价钱好平，本身以为系环境唔会特别靓，估唔到一嚟到呢度嘅环境真系好适合圣诞节嚟啊。开始就有个头盘嘅拼盘，我就觉得烟三文鱼最好食，食落好新鲜，而且三文鱼嘅味道好浓，越食越开胃啊。而朋友就话鱿鱼最好食，因为佢系炸嘅，所以我唔系特别钟意，但系朋友食完一嚿又一嚿，话鱿鱼好新鲜完全唔使点汁都咁好食。主菜方面，我哋就拣咗Risotto ai Funghi 白松露香油牛肝菌意大利烩饭佢嘅卖相好靓，但系估唔到食落仲好食过卖相。因为平时觉得好多意大利饭都会好硬，但系佢主席啱啱好，个texture又唔会硬又唔会太腍，我同朋友都抢住食。另外，佢嘅Tiramisu都好好食，食落唔会太甜，但系好适合食饱嘢再食。而且酒味都几足够，如果有小朋友就唔建议点呢个啦，因为酒味太浓。呢间餐厅性价比有高，而且环境都好靓，好建议大家圣诞新年嚟试吓啊。