川大哥

营业中

休息中

今日同FD试一家佢好like嘅川菜小店，话水煮鱼超高质。哩间小店装修唔错，卡位都坐得几阔落。可乐，食辣嘢最佳配置。哩间铺头会提供蒜蓉，香菜等小料食鱼用,都几贴心。川辣口水鸡，一份都好大，叫咗小辣，食落都比出面辣少少。鸡肉好大一件，食落肉质好紧实，唔会觉得好柴，开胃前菜黎讲唔错。水煮鱼锅，真系好大一份，系用咗生鱼片黎煮。鱼片片得好薄身，煮得啱啱好，食落真系好惊喜，鱼肉不单止好幼滑，同埋完全冇骨，全份食完食唔到一条骨，劲like。汤底唔会觉得好辣，饮落仲有少少鲜甜味，应该系落足鱼骨黎煲汤。哩份水煮鱼真系好食过香港9成川菜铺头，估唔到更高质素。辣子肥肠，FD啲最爱。用蜡烛护住个煲啲温度，几时食都唔会觉得冻。肥肠处理得好干净，预先腌制过再炸得好香口，同洋葱，黄豆等配料一齐炒，好有镬气。红糖糍粑，一直系食川菜必叫啲甜品。糍粑送上来仲热笠笠，食落好酥脆，搭配埋红糖黄豆粉一齐食，好match，最后真系食到好饱TIM。估唔到哩间铺头质素更高，尤其系水煮鱼，下次要试试用佢汤底打边炉，真系可以一再encore！