影片
更多
2023-04-24
73 浏览
近排做野做到个人好颓，仔仔话要带我食好西安慰我心灵㖞🙈特登带咗我去大角咀餐厅”泰嘟嘟”食泰国菜。.去到门口𠮶阵，都见到有啲人龙，讲紧系星期一8点，可想而知呢间都几受欢迎。餐厅地方唔大，但见到佢装修上嘅用心😍佢将啲卡位装修成嘟嘟车厢咁，另外仲有一啲泰国嘅装饰同霓虹灯。令人觉得真系好似去左曼谷街头咁！.我哋排咗大概15分钟就有得入去，坐低咗之后，店员都好推介佢哋嘅套餐，因为真系性价比超高👉🏻.二人餐(HK$248)可以叫三样菜，入面嘅选择都有好多！当中都有佢哋出名嘅月亮虾饼拣😋.月亮虾饼👍🏻必点！第一道上嘅菜就系月亮虾饼，佢上嚟𠮶下真系有哇一声。除咗因为佢摆盘好靓之外，份量都好足，每一件有成3cm厚，仲有成8大旧咁多！咬落虾肉十足，好弹牙，入面仲有马蹄食落唔会好腻🥹真系好好食.猪颈肉啫椰菜煲👍🏻又系必点之一！呢度菜系用马拉盏炒，佢仲加咗啲辣椒，食落辣辣地好香口。真系食到唔停口🤤配饭一流！.泰式菠萝海鲜炒饭个人本身唔算特别好钟意食，不过我仔仔食到赞唔停口！因为碟炒饭真系好足料，入面有青口、虾、鱿鱼，仲有大量嘅蚬肉同菠萝，最正嘅系啖啖饭都有粒蚬肉系到呀😭正.芒果芝士沙冰/火龙果芝士沙冰(HK$
.
去到门口𠮶阵，都见到有啲人龙，讲紧系星期一8点，可想而知呢间都几受欢迎。
餐厅地方唔大，但见到佢装修上嘅用心😍佢将啲卡位装修成嘟嘟车厢咁，另外仲有一啲泰国嘅装饰同霓虹灯。令人觉得真系好似去左曼谷街头咁！
.
我哋排咗大概15分钟就有得入去，坐低咗之后，店员都好推介佢哋嘅套餐，因为真系性价比超高👉🏻
.
二人餐(HK$248)
可以叫三样菜，入面嘅选择都有好多！当中都有佢哋出名嘅月亮虾饼拣😋
.
月亮虾饼👍🏻
必点！第一道上嘅菜就系月亮虾饼，佢上嚟𠮶下真系有哇一声。除咗因为佢摆盘好靓之外，份量都好足，每一件有成3cm厚，仲有成8大旧咁多！咬落虾肉十足，好弹牙，入面仲有马蹄食落唔会好腻🥹真系好好食
.
猪颈肉啫椰菜煲👍🏻
又系必点之一！呢度菜系用马拉盏炒，佢仲加咗啲辣椒，食落辣辣地好香口。真系食到唔停口🤤配饭一流！
.
泰式菠萝海鲜炒饭
个人本身唔算特别好钟意食，不过我仔仔食到赞唔停口！因为碟炒饭真系好足料，入面有青口、虾、鱿鱼，仲有大量嘅蚬肉同菠萝，最正嘅系啖啖饭都有粒蚬肉系到呀😭正
.
芒果芝士沙冰/火龙果芝士沙冰(HK$32一杯，跟套餐半价)👍🏻
呢间餐厅嘅野食咁好食，佢嘅野饮一样都唔马虎🫶🏻佢呢两杯沙冰真系好饮，水果味劲重同埋入边真系会有果肉系到。佢嘅水果沙冰沟埋芝士奶盖之后，成杯野饮落好creamy，记得一定要点呢杯试下！
.
总括而言，呢间餐厅真系性价比极高！我哋两个人最后食咗$300左右连野饮，碟碟都好食同埋份量劲足。同埋佢哋野食嘅卖相都好靓😍我仲见到隔篱枱嘅猪颈肉系用炭炉上🥹真系好吸引，不过好可惜得2个人食唔落。下次会叫多几个人去，试多啲唔同嘅菜！
8 浏览
0 赞好
0 留言
张贴
