泰靚平 (已結業)

泰靓平📍元朗马田路80号御庭居地下6-7号舖元朗真系多好嘢食，最近马田路𠮶边又开咗间泰式主题烧烤放题餐厅，晚市正价时段$228/位免加一任食90分钟，任饮啤酒汽水之外，第一次见有泰式特饮奶茶手标茶😍正👍🏻环境宽阔，干净舒适，每枱都有一叠牛油纸可以自行换，舖咗牛油纸烧嘅话无咁易烧㶶，汁水都无咁易流失👍🏻坐低无耐店长就送上一碟海鲜拼盘，有虾有鲍鱼有青口，新鲜饱满😃自助区泰式熟食、鸡牛猪、蔬菜、甜品、饮品应有尽有。个人大推猪颈肉，烧完劲香劲惹味，唔蘸汁都好好食，爽口弹牙。串烧都诚意十足，肉大大旧，肉食兽一定满足🤭钟意少肉多菜嘅话都唔少选择，翠肉瓜、茄子、粟米、菠萝等等都鲜甜多汁😋现场仲有即叫即制爆馅香蕉煎饼，薄皮香脆，自己按喜好加椰浆/炼奶就食得😋我自己都拎咗两旧食🤭煎饼隔离仲有得自己渌船粉食，都几好玩😆旁边有冬荫功汤，饮咗碗几好饮☺️记得留肚食埋甜品，布甸超好食🤤无谂过放题嘅甜品都可以咁好食，如果唔系食得太饱一定会食多个😋。