壹火鍋

营业中

休息中

今日陪朋友仔喺兆万睇玩具，睇到咁上下就顺便喺度食埋饭，系兆万拣咗阵就决定帮衬壹火锅。餐厅卫生方面做得唔错，打边炉嘅食物都有用盖冚住，部份食物亦可以透过手机落单非常方便。饮品方面虽然得两个雪柜，不过麻雀虽小，但五脏俱全，好多唔同种类嘅饮品都有，而且仲有啤酒添。叫咗清汤萝卜牛尾汤底，汤底味道清甜而且仲有牛尾肉食。另外加钱嘅海鲜船相当丰富，有鱼片、带子、鲍鱼、生蚝、海虾、大蚬、象拔蚌、珊瑚蚌。鱼片超厚切，入口软嫩多汁，而其他海鲜都非常高质，呢个海鲜船真系值回票价，最衰只可以购一次。几款牛肉都相当唔错，雪花纹几靓，牛味够浓郁，所以都叫咗好多转。