串亭

营业中

休息中

🍢🍱🍛超高质炸串御膳享受✅串扬咖哩乌冬 -$98呢个午市套餐系一个定食set，有两款渍物、一碗沙律、四串串扬同埋一碗咖喱乌冬，另外都有杯热茶。🥗沙律菜大碗、新鲜，除咗有生菜之外，亦都有蕃茄仔、萝卜片、紫椰菜丝等配料，配搭左少量嘅凯撒沙律酱，好清新嘅感觉🍥其中一款渍物系味噌酱捞肉碎，另一款应该系腌制咗嘅萝卜丝，第二款会比较清新同埋爽口，但系味道嚟讲我钟意味噌酱𠮶个多啲🍢串扬四款是随机的，有一串炸虾、一串炸番薯、一串炸三文鱼、及一串炸免治肉串，平时要30几蚊一串，而家set仲包四串，性价比真系超高。炸串真系好食，个皮炸得好薄好脆，一啲油腻感都冇，而且保持到里面肉嘅鲜嫩，番薯亦都好绵滑，配埋佢嘅秘制酱真系一流🍜估唔到咖喱乌冬都好出色，乌冬好弹牙而且挂汁，配埋香葱好有口感。香浓嘅咖喱汤底都好杰身，唔系好水嘅感觉，好似忌廉汤咁有绵绵嘅质感，好想饮晒佢。仲有只流心蛋添。