燒肉武田

营业中

休息中

性价比高，分量质素完胜💯！一向都钟意试不同烧肉，今次发现沙田有新开烧肉，梗系要试试啦！打电话订位后，有人会WhatsApp confirm 留位，再俾埋啲餐牌您睇，俾留位订金后，就会再WhatsApp confirm 。我哋今次三个人，拣咗$598个餐，有刺身、海鲜盘同烧肉，另外加咗$30甜品饮品放题，起初我哋谂住系同平时啲烧肉放题差不多，点知原来系成架船摆上嚟！！打卡赢哂👍👍👍🥩啲肉真系超高质，入口即溶，首盘分量仲要系打孖上，唔系同平时啲放题咁样，3个就3片，4个就4片，呢度已经完胜其他放题，起码唔系悭住俾客人！仲要有个即场用日本米煮嘅饭，可以食住烧肉再食啖日本米！刺身就正常，带子厚肉鲜甜！🦪🦐海鲜盘就会等我哋食完啲肉就送上，职员讲系每日新鲜拣货，呢个真系坚，因为啲蚬一熟就标啲水出嚟弹到我哋，系新鲜先会有足够水份，呢个要赞！！再讲，海鲜分量又系超多，质素又系超高，食得出鲜甜！😋🍰🍦🍩甜品都几多选择，惊喜系有我最爱嘅朱古力蛋糕，但佢唔系普通朱古力蛋糕，系特浓朱古力蛋糕，真系极之好味！！水果都有几款，可惜太饱，食唔哂。所有职员又笑面迎人，又有礼貌，执碟又快，唔会食到成枱都系嘢。