Dirty Skillet (已結業)

今次朋友同我去咗呢間餐廳慶祝生日，到見到個裝修真係幾靚，中間有個旋轉木馬咁樣，真係幾啱打卡。雖然依間餐廳係一個主題餐廳，但係佢唔係淨係裝修靚咁簡單，而係佢嘅嘢食都非常好食！最正係佢原來仲係寵物友善餐廳！我哋叫咗：▪️開心share小食拼盤拼盤超大！入邊有酥炸墨魚條，脆皮雞翼，炸蝦，紐倫堡腸條，炸洋蔥圈同番薯條。全部熱辣辣，炸得好好食！▪️日式鐵鍋牛骨髓、鵝肝、雞蛋、牛柳飯呢個完全係大癲好食！侍應哥哥會喺我哋面前將啲牛骨水刮曬出嚟，之後再同啲牛柳，雞蛋，粟米，紫洋蔥炒成一個炒飯！呢個炒飯係二人份量，牛柳份量超多，加埋個鵝肝，好食到癲。本身我係唔食牛骨髓，但佢咁樣整個炒飯，我冇諗過我自己竟然覺得咁好食！▪️Burrata Cheese Pizza一向超鍾意食Burrata Cheese，個Pizza入邊仲有Parma Ham，兩者個味道都好夾。最重要係，個Pizza個底係脆㗎！我超鍾意個底係脆嘅pizza！好食！▪️震震吓疏乎厘奄列 多謝朋友預先安排咗呢個疏乎厘奄列俾我，侍應攞出嚟嘅時候係放喺一個旋轉木馬上面，播住生日歌，真係好有心思，好開心呀！佢個疏乎厘一啲都唔會覺得太甜，超香蛋味，口感超好！▪️