澳門仔火鍋串燒專門店 (已結業)

今日谂住食火锅。食左呢间。但真系估唔到野食系咁高质。谂住麻甩佬求其食火锅。呢间入去都完全唔觉得特别既火锅餐厅，竟然食到我地赞不绝口。叫左个花胶鸡煲。好多花胶，汤底可以饮。汤底味道好够味，好靓既打边炉汤底。鸡肉整到口感好似海南鸡咁润滑。鸡煲整到只鸡一啲都唔老，都需要好好功夫。鸡肉本身都叶得够味道，真系好好食。之后黎左个八鲜盘。乜海鲜都齐晒。蟹，虾，蚌类，生蚝，鲍鱼等。可以好肯定咁讲，全部都好新鲜，味道超好，好爽口弹牙！特级安格斯牛肉又好肥美。新鲜又爽滑。加埋我自己调既蒜粒沙茶酱，好完美。仲有麻酱，同食日本高质牛肉放题有得fight。食完海鲜，靓牛肉同鸡煲其实已经好饱。但因为放题，想叫埋其他野食。雪花肥牛都系高质野。同旺角食既放题唔同，呢个肥牛真系靓肥牛。脂肪同肉分布均匀。食到真系好兴奋。猪颈肉都新鲜，好弹牙。本身汤底靓，其实浸咩落去都好食。但呢度既肉全部都好高质，所以再好味啲！鱼滑爽口，墨鱼味重，都系好好食既配料。仲有牛坑腩食。煮极都系咁柔软，好好食。今日真系食左好多好靓既肉。好满足，下次一定会再去！