Venchi (新城市廣場一期)

营业中

休息中

如果你喜欢吃如胶似漆的雪糕，如果你喜欢吃IN IN UN UN的雪糕🍦，请勿来此店。呢间铺头啲雪糕对我来讲十分天然！除咗装潢非常靓之外，走入去就好似走入左一个朱古力世界！真系令人爱不释手！其实自己成日都会买店里面嘅＄100一袋已选好的朱古力，花款奇多，每个月都唔同，但系佢唔可以同会员同时使用，都系留返下次先讲。今次讲返我最钟意食嘅雪糕🍦，已经食过六七只味，其实我系买package，真系好抵好抵食！平均＄25一杯，个cone 系好脆同好香蛋味，平时唔食cone嘅我都会食晒! 拖左大家咁耐唔话俾大家听我最钟意食咩味⋯⋯依家开估啦！系无花果焦糖黑朱古力牛奶雪糕，真系真系冇得顶！又有无花果肉，又有黑朱古力味，焦糖亦唔会死甜，酸苦甜，拼得天衣无缝，呢只味道唔系成日都有，喺期间限定！总之一句我真系好钟意食！其实服务员（其实佢系朱古力专家）表演拉雪糕都几好睇㗎！而家打算下星期再食下次有机会再介绍朱古力！