廿一前 (已結業)

今日系阿妈嘅生日 所以我我爸爸同埋我女朋友一齐去咗荃湾大鸿辉中心𠮶度食放题餐 几十年前十月怀胎生我出嚟梗系要食番一餐好嘅孝顺一下佢啦入到去坐低左之后店员好贴心咁样攞咗一碟牛肉同埋一碟猪肉出嚟 牛肉嘅油脂非常之丰富而且均匀 肉嘅颜色非常之鲜红 好新鲜猪肉亦都唔太肥 值得一赞 食落亦都非常之有肉味 口感烟韧之后店员又攞咗一个刺身并盘出嚟 有三文鱼 油甘鱼 北寄贝 带子同埋鲍鱼 全部都好新鲜 而我最钟意食嘅当然就系三文鱼喇 三文鱼嘅鱼味好香而且一入口就融化 口感鲜嫩 系我最钟意食嘅鱼生 而妈妈就最钟意食带子 因为够鲜甜而且软淋淋 好易食跟住就到食火锅嘅时候 我哋叫咗个花胶鸡锅 花胶嘅份量有好多而且胶质好重 成个汤亦都充满住花胶嘅骨胶原 未饮已经觉得好养颜 饮完更加不得了 而鸡肉亦都唔算好肥 煲完出嚟个汤亦都冇乜鸡油 但系鸡肉嘅鸡味好浓郁 值得一赞最后就食下啲串烧啦 我哋叫咗个烧菠萝 烧鸡皮烧鸡肉同埋烧鸡翼等等 全部都好有肉味而且烧得好香脆 尤其是烧菠萝 好甜好正