THE 24 . ST

营业中

休息中

我一直都系蝴蝶酥爱好者，香港基本上任何地方有蝴蝶酥买，我都会借啲意买来食吓，最近经过尖沙K11 art mall发现到有一间装修都几别致嘅饼店，成间店舖都系用上咗优雅嘅红色，后来先知原来佢哋都有几多分店，斋喺尖沙咀就已经有两间，望落都已经睇得出佢哋嘅蝴蝶酥系好高质，真系有超多层，睇完又睇，最尾就决定咗要一盒15件装嘅杂锦蝴蝶酥礼盒，食过之后真系觉得以后新年可以买来送礼，礼盒装得体，而且全部独立包装，卫生又保鲜，最紧要就系味道亦都好好食！蝴蝶酥食落超级松脆，甜度适中，好啱亚洲人口味。我自己就觉得日本黑豆芝麻最出色。不过同时间佢都有好多创新嘅味道，例如苹果山楂、三星葱芝士、柚子香梨等，换句话嚟讲，老人家或者年轻人嘅口味都照顾得到。