影片
更多
2023-10-16
91 浏览
MEMOIR发现平时都系食日本野同韩国野多，突然心血来潮想食西餐。拣完间餐厅原本见佢有油封鸭脾谂住试试佢会唔会拍得住之前法国食过嘅。点知去到发现原来佢有lunch menu，搞到冇食到油封鸭脾，转左食佢嘅lunch set，反而有意外惊喜。杂菜沙律佢嘅沙律菜十分新鲜，而且佢个沙律醋十分好食，酸甜嘅比例十分之好，仲有少少藜麦，超开胃。椰菜花汤佢系好饮同滑嘅椰菜花汤，但椰菜花汤始终系一个偏淡味嘅汤，真系好睇大家原本钟唔钟意𠮶只味。香煎盲𫚧鱼柳配鲜虾，蕃茄忌廉汁鱼味十分浓，而且条鱼劲滑，个sauces唔会太浓味，可以好好咁食得出条鱼原本嘅味。佢会配薯蓉同埋烧嘅瓜上，有啲人可能会唔钟意食烧到淋淋地嘅瓜，但系狗仔我都几钟意食瓜，啲烧瓜完全开正我胃口。而佢嘅薯蓉就唔似出面西餐嘅薯蓉，佢冇加牛油落去，所以佢个薯蓉相对黎讲就淡味啲。狗仔可能平时食开浓味野多，个薯蓉对我黎讲就淡味左少少。但系对比较健康嘅人士黎讲就应该几唔错。香煎澳洲10oz 肉眼扒配韩式烧肉汁 (转左做牛板腱)个牛非常惊喜，冇谂过唔洗200蚊就可以食到呢个质素嘅牛。讲左啲配菜先，啲薯条啱啱炸起，劲热劲脆，而且落左紫菜去调味，无论系就咁食
发现平时都系食日本野同韩国野多，突然心血来潮想食西餐。拣完间餐厅原本见佢有油封鸭脾谂住试试佢会唔会拍得住之前法国食过嘅。点知去到发现原来佢有lunch menu，搞到冇食到油封鸭脾，转左食佢嘅lunch set，反而有意外惊喜。
杂菜沙律
佢嘅沙律菜十分新鲜，而且佢个沙律醋十分好食，酸甜嘅比例十分之好，仲有少少藜麦，超开胃。
椰菜花汤
佢系好饮同滑嘅椰菜花汤，但椰菜花汤始终系一个偏淡味嘅汤，真系好睇大家原本钟唔钟意𠮶只味。
香煎盲𫚧鱼柳配鲜虾，蕃茄忌廉汁
鱼味十分浓，而且条鱼劲滑，个sauces唔会太浓味，可以好好咁食得出条鱼原本嘅味。佢会配薯蓉同埋烧嘅瓜上，有啲人可能会唔钟意食烧到淋淋地嘅瓜，但系狗仔我都几钟意食瓜，啲烧瓜完全开正我胃口。而佢嘅薯蓉就唔似出面西餐嘅薯蓉，佢冇加牛油落去，所以佢个薯蓉相对黎讲就淡味啲。狗仔可能平时食开浓味野多，个薯蓉对我黎讲就淡味左少少。但系对比较健康嘅人士黎讲就应该几唔错。
香煎澳洲10oz 肉眼扒配韩式烧肉汁 (转左做牛板腱)
个牛非常惊喜，冇谂过唔洗200蚊就可以食到呢个质素嘅牛。讲左啲配菜先，啲薯条啱啱炸起，劲热劲脆，而且落左紫菜去调味，无论系就咁食定点茄汁食都系一流。而佢亦都有啲沙律菜伴碟，但系就同跟set入面嘅沙律一样，所以如果唔想食太多沙律嘅话可以跟set拣汤。牛扒方面，由于当日佢menu上面嘅肉眼冇晒转左做牛板腱，原本都有啲惊佢会有筋同冇肉眼咁淋，点知上到黎先发现系狗仔多疑，佢嘅牛板腱完全冇呢个问题。我地叫左5成熟，而佢块牛扒系好完美嘅5成熟，令到佢块牛十分软同嫩。而且佢块扒处理得好好，冇任何肥膏同筋。佢块扒仲要好大块同好厚，呢个价钱呢个质素同份量真系冇得弹。佢仲有配埋黑椒盐同烧肉汁比你点，比你食厌一只味之后可以转左口味，烧肉汁甜甜地超好食。不过其实块扒肉味都真系好够，啲调味料其实都冇点样点到就已经食晒成块扒。
水牛城鸡翼
鸡翼都好惊喜，佢应该系即炸之后再上个汁，个鸡翼好脆口而且buffalo 既味啱啱好，唔会好辣好咸，有少少甜甜地，怕辣既朋友都唔洗怕，超推荐👍
Overall：有系香港食开扒都知，300蚊楼下嘅扒，成日唔系生熟度唔啱你order嘅，就系块扒冇点处理，仲有好大条筋同肥膏连住。呢间西餐完全超出左我预期。估唔到200蚊块扒都可以做到咁嘅质素。个牛十分推荐大家去试，而唔太食牛or比较健康嘅朋友仔都可以去试下条鱼。
味道:🌕🌕🌕🌕🌗
环境:🌕🌕🌕🌕🌗
分量:🌕🌕🌕🌕🌑
服务:🌕🌕🌕🌕🌑
CP值:🌕🌕🌕🌗🌑
Overall: 好西💩
加一服务费：✅
MEMOIR
铜锣湾登龙街28号永光中心17楼
#dog铜锣湾
水牛城鸡翼
$68
12 浏览
0 赞好
0 留言
香煎澳洲10oz 肉眼扒配韩式烧肉汁
$198
9 浏览
0 赞好
0 留言
香煎盲𫚧鱼柳配鲜虾，蕃茄忌廉汁
$168
7 浏览
0 赞好
0 留言
杂菜沙律
11 浏览
0 赞好
0 留言
张贴
