哥哥添飯•妹妹泡茶

营业中

休息中

有个朋友系创纪之城一期番工，话佢公司地下有间台湾菜几好食，约埋我放工系道食饭。食物种类唔少，特别d有蛋饼、泡饭、菜包都有。台式饮品同甜品都有。岩盐咸猪肉拼皮蛋酱生菜包 - 猪肉系用岩盐盛载住，有淡淡嘅盐香。最特别嘅系佢嘅皮蛋酱，除咗食倒皮蛋味之外，橄榄油同蒜头味都好突出，味道好新奇又好好食。餐配两件蒸刈包，夹埋生菜、皮蛋酱、猪肉片食和味无穷！椒麻脆炸鸡拚鲁肉饭 - 呢只台式炸鸡比起绝大部份嘅台式餐厅炸得出色，一方面外皮有台式炸鸡嘅苏脆，另一方面里面嘅肉汁仲保留住，我食嘅鸡胸肉质都几滑。叫煮食推荐一定要加$10变定食套餐！有三个前菜、青菜、甜品仔。凉菜都几好食，卤肉青菜份量唔少，泡芙仔朱古力味都好唔错。乳酪芝芝六重天综合奶茶 - 里面有胚芽、乳酪芝芝奶盖、黑糖珍珠、芋圆、芋泥、乌龙奶茶。超级丰富！乌龙茶茶味香浓。