禮記 (已結業)

Lunchtime 同事帶我黎食，淨係環境已經好舒服，夠寬敞，裝潢用心。平時飲茶都係飲鐵觀音或者普洱，但呢度竟然有玫瑰荔枝茶，當然要試一試。茶杯又係好精緻，杯茶好香荔枝味，好有驚喜。當然佢啲點心更加係唔令人失望。呢個係禮點（$88），條魚係蝦餃，真正嘅色香味俱全！照燒鯪魚茄子，上面加咗啲木魚，令到口感好豐富，炸得又唔會太油，魚肉好香。鮮蝦米網腸粉，腸粉皮夠滑，蝦夠新鮮彈牙，包住嗰啲脆脆勁好食。黑魚子大子燒賣，冇乜地方食得到，呢個比起傳統燒賣冇咁油膩。最後係懷舊雞窩，其實係未見過貪得意試吓，都幾特別。