禮記 (已結業)

Lunchtime 同事带我黎食，净系环境已经好舒服，够宽敞，装潢用心。平时饮茶都系饮铁观音或者普洱，但呢度竟然有玫瑰荔枝茶，当然要试一试。茶杯又系好精致，杯茶好香荔枝味，好有惊喜。当然佢啲点心更加系唔令人失望。呢个系礼点（$88），条鱼系虾饺，真正嘅色香味俱全！照烧鲮鱼茄子，上面加咗啲木鱼，令到口感好丰富，炸得又唔会太油，鱼肉好香。鲜虾米网肠粉，肠粉皮够滑，虾够新鲜弹牙，包住𠮶啲脆脆劲好食。黑鱼子大子烧卖，冇乜地方食得到，呢个比起传统烧卖冇咁油腻。最后系怀旧鸡窝，其实系未见过贪得意试吓，都几特别。