Favilla Cafe (已結業)

小编系上网比佢哋嘅和式all day breadfast吸引到，所以就走咗去试。首先佢哋呢度嘅鳗鱼真系超级大旧丫，而且仲好厚肉添，虽然食落就有少少碎骨，但小编觉得都可以接受，所以真系俾咗极高嘅评价。另外佢哋嘅炒蛋亦都做得好出色，唔好以为落咗味噌就会好咸，呢度嘅炒蛋咸味适中而且滑身，蛋味仲好出添！再者牛油吐司亦同样出众，牛油味真系好香，而且吐司整得都脆口。除咗上面嘅主菜之外佢哋仲有啲沙律同香肠做配菜，佢哋嘅沙律菜应该落咗啲芝麻醋，因为食落好香芝麻味而且酸酸地咁。隔离𠮶个波本身小编以为系净薯蓉嚟㗎，点知原来佢系沙律薯蓉波至真😂沙律味好出，而且薯蓉当中有夹杂左啲薯仔粒喺度，所以都几有口感。另外𠮶条手工香肠小编个人就觉得咸咗少少，不过只肉质就有少少似德国香肠咁。最后唔好以为呢个all day breakfast好似好细分咁，小编最后都食净左少少野😂Latte嘅奶味真系好重，但抺茶味都不甘示弱一样都咁浓啊，而且Latte整体本身都好滑。但系小编建议嘢饮一攞到上枱真系要即刻开始饮，因为抺茶粉会沉底，而且店舖冇提供搞搞棒，所以Latte饮到会好「鞋」口。虽然餐牌嘅选择就唔算好多，不过胜在样样都够特别