影片
更多
2018-12-04
803 浏览
博文街呢度真系好多野食吓，竟然开左间日本餐厅，仲要主打高档野 omakase，若非好友食完极力推荐，真系好难会揾到嚟。为重要人物庆生，哈，当然要大破悭囊。数一数，原来食左二十样野，拣左部份嚟介绍。【乌鱼白子】白子即系精囊，口感绵密，听讲有滋补养颜之效。 即刻吞左，相都唔记得影😂【蜜柑鲷】 食蜜柑长大嘅鲷鱼，有淡淡清甜味，当然系贵价上品。【北海道珍宝牡丹虾】 虾肉胶质好重，亦够鲜甜。 虾头有虾膏，当然唔可以放过。【金线鱼刺身】 用昆布腌制，更加带出鱼嘅鲜味。【拖罗大叶卷】呢个系我最爱嘅一道菜，脆脆嘅紫菜，肥美嘅拖罗，仲有清新独特嘅新鲜大叶，超正！【秋刀鱼刺身】 排到靓靓，配搭特制酱油，味道好夹。【海鼠】 即系海参，口感Q弹又爽口。𩽾𩾌鱼十一月系当造期，【𩽾𩾌鱼肝】当然系当造美食。 香软绵滑，而且第一次食到暖嘅𩽾𩾌鱼肝，味道更佳。【富贵杯】其实系一个迷你丼，点解叫富贵？ 面头有金箔架！ 几层嘅马粪海胆，配搭冲绳海葡萄、葱吞拿鱼腩，仲有香港好少食到嘅sujiko生筋子(即系保留成个卵巢膜嘅成串三文鱼籽)，味道比三文鱼籽更鲜甜架。【烧秋刀鱼大叶卷】 鱼味够出，仲要中间有大叶，散发出一种清新而独
为重要人物庆生，哈，当然要大破悭囊。
数一数，原来食左二十样野，拣左部份嚟介绍。
【乌鱼白子】白子即系精囊，口感绵密，听讲有滋补养颜之效。 即刻吞左，相都唔记得影😂
【蜜柑鲷】 食蜜柑长大嘅鲷鱼，有淡淡清甜味，当然系贵价上品。
【北海道珍宝牡丹虾】 虾肉胶质好重，亦够鲜甜。 虾头有虾膏，当然唔可以放过。
【金线鱼刺身】 用昆布腌制，更加带出鱼嘅鲜味。
【拖罗大叶卷】呢个系我最爱嘅一道菜，脆脆嘅紫菜，肥美嘅拖罗，仲有清新独特嘅新鲜大叶，超正！
【秋刀鱼刺身】 排到靓靓，配搭特制酱油，味道好夹。
【海鼠】 即系海参，口感Q弹又爽口。
𩽾𩾌鱼十一月系当造期，【𩽾𩾌鱼肝】当然系当造美食。 香软绵滑，而且第一次食到暖嘅𩽾𩾌鱼肝，味道更佳。
【富贵杯】其实系一个迷你丼，点解叫富贵？ 面头有金箔架！ 几层嘅马粪海胆，配搭冲绳海葡萄、葱吞拿鱼腩，仲有香港好少食到嘅sujiko生筋子(即系保留成个卵巢膜嘅成串三文鱼籽)，味道比三文鱼籽更鲜甜架。
【烧秋刀鱼大叶卷】 鱼味够出，仲要中间有大叶，散发出一种清新而独特嘅香味，正！
呢碗【鱼汤】系集合晒所有鱼头鱼骨嘅精华，超浓鱼香味，但就咸左少少。
最后系【北海道赤肉蜜瓜】，日本生果，梗系正啦，清甜爽脆，好想要多份添！
服务超好，用料上盛，但坐位唔多，一定要订位先呀！
张贴
