Hashtag B

营业中

休息中

今日行过见到冇咩人而且又新出几款pastry，所以就买黎试下，真心hashtag b 出品是信心保证!开心果千层挞蛋挞以外佢都好受欢迎，食落开心果味好浓郁而且仲有开心果粒咬下，皮真系做到好薄而充满住馅料，用刀切开就睇得出真系用心制作的!开心果酥呢个真系好有惊喜，食落开心果蓉好creamy而且细滑，整体香酥脆口，虽然满布糖粒但又唔会太甜，值得一试!榛子丹麦球丹麦球够烟韧而且馅料都好充足，榛子味道突出又唔会太甜!抹茶红莓松饼呢个系display见到已经流哂口水，红莓好香甜而且抹茶味道唔会太苦，加埋一齐食好平衡又唔会太干!