Sodam Chicken (已結業)

最近迷上左睇韩剧突然好想食炸鸡就同老公去咗食炸鸡放题，任食炸鸡+pizza都只系$128一位喳，不过我哋今次就加多$20选择可以食炸鸡+焗鸡+Pizza+小食放题仲可以食足90分钟添，真系超级抵食啊！啲炸鸡全部都系冇骨嫁，食落啖啖肉，而且肉质好嫩滑唔会觉得鞋口仲好多肉汁添。咁多只炸鸡之中我自己就最钟意蜜糖芥茉香葱炸鸡，同埋柠檬有子炸鸡。焗鸡方面我就钟意韩风紫菜焗鸡同黄金咸蛋，如果你食得辣嘅话绝对推介喷火辣焗鸡因为真系非常辣，连我老公食得辣都话辣得非常过瘾！不过佢个Pizza我地就觉得麻麻地可以唔食都得，小食方面啲薯条食落都好香脆，另外个韩式酸萝卜配埋啲炸鸡可以减低油腻感食完非常开胃。呢间炸鸡店铺嘅CP食真系超高啊，如果钟意食炸鸡绝对推介大家可以黎试吓。