有蒸氣 海鮮石鍋專門店 (已結業)

最近生飞滋，想食清淡啲。去左有蒸气石锅食海鲜餐。二人每位$328尖沙咀区闲闲地都7，8百2位，呢区黎讲算抵食。黑松露蒸蛋，即蒸即食，火喉超嫩滑。好香黑松露味。钻石蚬同沙包蚬 沙包蚬 好清甜，只只新鲜。 钻石蚬有雪白色同嫩粉红色嘅肉。佢个肚仔涨卜卜，入面有饱满既鲜甜蚬汁，又浓郁，又清甜，又鲜味，系幸福既味道!大连鲍鱼餐厅预先清理干净内赃。鲍鱼肉色水雪白，肉质爽弹，火喉刚好，嫩滑甜鲜。日本元贝手掌咁大既日本元贝好鲜嫩多汁。清蒸美国桶蚝 桶蚝好巨型，肚仔好饱满，口感肥美。浓郁既蚝香。姜葱蒸鲜鱿好新鲜。 手剁猪肉丸及墨鱼丸 餐厅师傅自己手剁既猪肉丸及墨鱼丸 墨鱼丸超级弹牙，墨鱼味劲浓，好鲜味。梅菜猪肉丸好香梅菜香味。肉质扎实，腍滑弹牙金银蒜蒸胜瓜味道清新。每位$328 (2位起) 粥底：南瓜+鸡最后个粥底超级甜。南瓜既甜蜜加埋鲜鸡既香，同埋所有海鲜既"日月精华"，令成个粥底有海鲜既清甜，又有鸡味肉汁。成餐款款海鲜都劲新鲜。劲清甜，成餐我一滴鼓油都无点过XD餐厅男女侍应个个都服务殷勤。你知啦，食海鲜一阵间就成台壳，佢地都清理都好快，满分。