翠玉軒

营业中

休息中

酒楼位置在交易广场二期，门面好高级，每台座位置都比较远，啱而家社交距离，环境光线比较暗。我们叫咗四人个套餐，有六道菜和一个甜品。未食过咁超咸菜式😰！连花胶翅都好咸，又没有浙醋点，蒸鱼豉油又系超咸味道，炸鸡一样都系超咸，我们不断咁饮水。除了虾仁带子、煎酿辽参伴岩米，烟熏蹄叉烧半鲍片系正常味道之外。甜品姜汁炖奶，冇乜姜味，炖奶唔滑。成为二千几蚊咁嘅价钱，我觉得系唔值啰。咁嘅价钱，我认为北京楼仲好味好多。唔知系咪之前冇晚市，炒咗啲大厨，请返啲临时厨，当日𠮶个厨师系咪输咗马？落重手咗，菜式超咸。