陪著你走甜品 (已結業)

今日喺炮台山食完饭同朋友行咗去天后食甜品，天后嘅甜品店都食过晒，呢间位置在清风街街尾嘅小店，唔太显眼。见门口贴晒仙草芋圆甜品，以为系台式甜品店，点知原来重有好多中西式甜品选择。一场嚟到点都要试吓佢哋嘅招牌甜品仙草八宝，佢哋嘅仙草滑滑溜溜好甘甜唔似有啲甜品店系有苦味同质感死实嘅，成碗满满嘅芋圆、地瓜圆、珍珠、红豆、西米等有唔同层次嘅口感，食完喉咙好舒服，肚皮大满足☺️。朋友就试咗另一个招牌甜品-法式焦糖炖蛋，佢用九秒九就食完，本来想试少少都唔得，见佢咁滋味我就加码一个咖啡味焦糖炖蛋同佢两份。讲真真系好滑好香咖啡味，唯一要弹嘅就系焦糖面唔够焦，但都有90分嗱！隔离枱叫咗个生日窝夫，真系多料到成个生日🎂咁。我同朋友都话会再嚟😁。