Girlboss by Master Kama (已結業)

主打龙虾嘅专门店Master kama旗下嘅Girlboss大走少女风。👧🏻 餐厅装修超pink，连餐具都特别精致。⁣⁣🚶🏻‍♀⁣⁣Bossy Royal Set ($388) 【好味度：7/10】⁣⁣净系嗌呢一个二人餐，就可以试足七样嘢食。⁣⁣🤩⁣⁣沙律或者汤就可以拣两款。🥗 沙律用一个个樽去装住，好精致。😯 三文鱼柚子柠檬沙律嘅三文鱼用油浸住，连埋柚子去食好清新。😆 蟹肉牛油果苹果青瓜沙律呢都有唔少蟹肉，几足料。⁣⁣😌⁣⁣前菜就可以拣两个半份。😇 黑松露芝士玉子烧就有少少流心嘅，黑松露味啱啱好。👍🏻 玉子嘅味道都几甜。😛 龙虾芝士鸡翼个鸡翼就系普通炸鸡翼，主要都系靠个汁嘅龙虾味去吊味。😜 其实个汁就有啲似好浓嘅龙虾汤，芝士味就比较少啦。⁣⁣😅⁣⁣Main course就净系可以拣一个全份，我哋就拣咗海鲜拼盘。🐚 海鲜拼盘入面有各种唔同嘅海鲜冻食，包括有带子虾鱿鱼蚬等等，一次过食到晒唔同海鲜。⁣⁣😁⁣⁣最后仲可以拣多两个半份汉堡薄饼饭或者意粉。😙 流心芝士龙虾三文治入面嘅芝士的确够晒多，真系好流心，芝士味都好重，但系龙虾肉呢就唔算特别多嘞。😬 意式龙虾海鲜薄饼嘅龙虾肉就好似比较多。⁣