樂壽新漁村酒家 (已結業)

对上一次(12/7/08)食过既均安鱼饼(爽! 虾酱通菜牛肉,热锅大,材料少,味道过咸、 勒流榄角骨,好似普通排骨咁啫! 砵仔焗鱼肠,老公说不是鲮鱼肠,而是大鱼肠,迅色左,而我觉得腥度接受到,可能蛋焗完太熟,又鞋口无味,麻麻地、煎焗钳鱼例,咁好食既野,可惜份量少得可怜)。(25/12/08)family day dinner,我地太夜啦,九点钟先黎食饭!!发觉比以前人少。今次要点些上次唔同既。拼盘:藕饼的炸粉重手左,搅到唔爽口,唔似食紧藕；炸米粉鲮鱼球,松脆,点仁腍汁好食过点蚬介。黑椒牛柳粒,黑椒加落西芹炒,原来都几带出西芹既清甜㖞!牛柳粒一d都唔韧,我食左好多啊!榄菜肉松豆腐、虾酱炒芥兰,呢两个较普通。豉汁蒸大鳝,咁o岩拣到条斤零重的爽肉鳝,加埋No.1的爆满豉汁!真系好好食,好好𩠌饭!去顺德菜馆,唔食河鲜,会系一大缺憾!上次食唔到的火龙果石榴露,今晚有喇!原来那忌廉汁般的石榴味好fresh架!!食完咁咸既晚饭,呢个石榴露令人精神为之一振!饱饱之时,伙计主动送我们黄金糕,和果盘(橙)。黄金糕系一d都唔黐牙,而且一d都唔甜。咁美味既地方,一早已成了我爱之菜馆喇!