重慶老巷 (已結業)

今晚11点又黎到呢间小店帮衬，因为小店可能10张枱都无，环境仲要好逼，所以要等位，大约10分钟就有位，入到去好大阵烧烤味，有个位似bar枱，但系用黎烧烤，抽气扇可能无开定抽得唔劲，所以令到全场都烟雾弥漫一坐低，有张剔野食纸，但啲字细到近视可能睇唔到，拣左一个石锅饭，几串串烧，一个凉拌菜，2支野饮等左5分钟左右个凉拌云耳就上枱了，望落好似好够味，但其实啲云耳唔点到汁系无味，略嫌不太冻再等左一阵串烧上枱，有鸡软骨，鸡肉，猪颈肉，金菇，见到好似好辣咁，但佢无问过我要咩辣，如果我唔食得辣咁点算，鸡软骨好硬，鸡肉可以，猪颈肉超劲厚，争啲咬唔到，金菇唔干身，但我觉得整体好难食，因为我除左食到成口粉之外，系一啲味都无！未食过咁难食嘅串烧再等左一阵烧茄子上枱，都系好难食我觉得等到唔多对路，个饭平时一早上左，我一问之下原来无落到单，佢话好快，依家帮我落左，咁又真系好快，5分钟内就上左，唔洗讲，一定唔会好食，首先望落去一啲都唔热，我要小辣无比到辣我，啲五花腩肥到食唔到，望落有5旧左右之前食好好食咖，依家点解会变左咁嘅最后见隔离枱个烧带子好似好食，就叫左2只，18蚊一只，10分钟左右就上左枱，啲带子好似无洗