尚點 小籠包.上海麵館 (置富第一城) (已結業)

上次食过都唔太差, 不过系怕人多, 所以要早啲嚟食啫~ 今次都系六点左右嚟到, 两人枱都仲有几张, 不过系1张4人枱一齐坐咁啰~ 金网生煎锅贴上次食过好味, 今次再叫, 但好似冇上次咁好味, 感觉上肉感重咗, 所以有啲腻, 为免老公反胃, 所以今次我食3只, 佢食2只~ 上海排骨粗炒睇佢菜牌上张相好靓, 所以叫嚟试试~ 但一上枱, 感觉上有啲货不对板咁, 张相好靓, 块猪扒好整齐咁放响面, 色水又冇咁深, 不过实物系又黑蚊蚊, 块猪扒炒到乱哂, 同茶餐厅一样, 兜乱上~  以前我地食嘢冇咁清淡时, 成日都系几碟一齐出, 一定系人地果碟多啲𩠌, 但而家我地食得清淡咗, 反而觉得我地呢碟系咪太多肉呢? 感觉上每碟应该大约有1块猪扒, 但我地呢碟好似有1块半接近两块猪扒咁多, 够哂抵食, 不过就食到反反地胃咁济, 因为佢块猪扒超厚粉, 啲粉上下夹住块肉, 但啲粉好似厚过块猪扒啰~ 我一见到咁, 已经由第一旧猪扒就去粉皮, 所以都冇咁济, 相反个傻佬开头食埋啲粉, 所以搞到佢食唔到多, 因为比啲粉皮顶住个胃~ 好在佢都唔算炒得油, 如果唔系真系食唔哂~ 砂锅津白见佢又有菜又有肉又有汤, 同埋好