越北牛肉粉專門店 (已結業)

🌬最近天气凉凉地，想食啲易入口又暖笠笠嘅食物。汤河粉就岩晒啦～（食得太多米线，试下越南河先）🍜越北综合牛肉汤河粉($58)：招牌生牛肉、牛腩片及牛肉丸⋯ 贪食嘅小编全部都要！综合牛肉汤河粉简直系为肉食选择困难者而设。生牛肉保持到嫰红，牛腩片出奇嘅软脆浓味，而牛肉丸弹牙。汤底一如越南特色，入口偏香甜。洋葱、炸蒜及香草提升汤底层次，丰富口感。🥗无骨辣凤爪($28)：鳯爪肉量肥厚。入口一开始偏酸甜，辣味后劲较强。份量多。唔食得辣嘅朋友要注意～可能要叫定解辣饮品先挑战呢～🍹香茅芦荟蜜(+$8)：小编贪新鲜叫嘅饮品，居然真系有支香茅插咗系杯饮品入边⋯真材实料。系新奇嘅味道，配上青柠系几refresh亦解辣，但整体味道好难解释⋯谂出呢个配搭嘅人好创新。☺️整体而言：1. 性价比高，价钱合宜，汤河足料够饱。月尾良品。2. 敏感肠胃小编饮埋咗汤都无肚屙，亦无出现口亁情况。大胆估计，应该无落味精，或者味精量好少。越北牛肉粉专门店 地址：将军澳贸业路8号新都城中心1期地下G13-15号舖电话：26190999营业时间：11:30-22:30#香港食好西 #将军澳 #越菜 #新都城 #香港 #野生代言人