新越越式料理 (已搬遷) 新店位置

以前净系坐Office，依家要做埋行街𠮶份，真系行到边食到边，今晚就系九龙城开餐啊！天气闷热想食啲汤粉，湿湿个口嘅。门口见到餐牌价钱真系好抵食，有见好多人帮衬一于试吓。咖喱牛腩河 $45 真系好耐冇见过咁平。但系汤底超香浓，小小辣啦！大大件牛腩，炆得都算软腍河粉幼滑，吸晒咖喱汤底嘅精华，好味！同事就叫左一个炭烧香茅猪扒捞檬 $50，望落去就比较清淡所以旁边嘅传统越南酱汁 啱晒佢啦！鼻塞塞叫咗个双柠蜜作餐饮，滋润得来几醒神。食完通粉觉得有啲空虚，追加了柚子虾沙律 $78。柚子清新多汁，仲有好多只虾，个汁又小辣够刺激。仍然未想返屋企，所以食埋个蒜蓉牛油焗大头虾 $168, 继续同同事吹水直落.果然系好戏在后头，大头虾啲膏加埋牛油，充满咸香，肉质弹牙。2人 share 都好满足。小店装修都算优雅，平日静静地可以坐多一阵。