包包傾老趙越南餐廳 (已結業)

前晚师傅一条冷食晚饭, 谂下食咩好啦, 左谂右谂都唔知食咩好, 最后行到黎呢间食店门口见系食越南野, 师傅见好耐都冇食过就决定入去食碗越南河!入到去唔算好多人, 坐底睇下有咩食啦, 师傅本想简简单单叫碗生牛肉汤檬, 点知又比师傅见到三宝牛汤檬, 反正都未试过, 决定试一试!三宝牛汤檬系有生牛肉, 熟牛肉同埋牛筋, 先讲下个汤底先, 汤底几香几浓几甜, 而且好重萝卜味, 碗中间有一旧好大白萝卜, 白萝卜好甜好腍; 生牛肉不算嫩滑, 而且d汤太滚, 生牛肉到出黎已经变左熟牛肉; 而熟牛肉就熟上加熟啦, 所以系又老又韧又鞋; 牛筋好腍不过就冇咩味, 一般; 而檬粉份量都几多, 不过芽菜就生左d, 麻麻地; 落少少辣酱就会好味少少!总括黎讲呢碗越南汤檬唔算出色, 牛肉又老又鞋, 全碗最好味样野系个萝卜, 都咪话唔搅笑! 三十蚊碗汤檬仲要冇加一都叫抵食, 下次都或者会黎试下其他野啦!