火車頭越南餐室 (朗豪坊)

营业中

休息中

同朋友喺朗豪坊shopping後,決定一於食越南菜。坐低第一件事我就order左杯牛油果奶昔, 牛油果奶昔打得細滑順口,有淡淡牛油果香味,口感清新。小食方面我哋揀咗招牌推介嘅牛油果軟殼蟹紙米凍卷,裏邊除咗包左牛油果同軟殼蟹之外仲有檬粉。仲有當然唔可以少得嘅越南炸春卷,熱辣辣新鮮炸起非常之香脆。朋友想食有湯嘅熱食,所以佢就揀咗火車頭招牌湯河。河粉除左有羅勒,乾蔥同洋蔥絲外,另外再附上一碗芽菜,辣椒同青檸自行配搭。配料嘅份量非常之多同豐富,有牛丸,生牛肉,熟牛肉同牛筋。我就選擇左我最愛嘅香茅豬扒撈檬,配上酸酸甜甜嘅醬汁既清新又開胃。