越北牛肉粉專門店 (已結業)

我一直都好钟意食越南菜，今次就去咗呢间越北牛肉粉，价钱都合宜，服务亦都唔错。叫咗一个越北牛丸汤河粉，价钱$55 ，牛丸嘅大细类似陈皮鱼蛋，佢都有八粒，而上面亦都有好多葱洋葱同埋一旧好鲜甜嘅萝卜，河粉嘅份量亦都算充足，可以加辣椒或者青柠汁提升香味。而佢嘅汤底亦都好唔错，系有少少清甜嘅牛骨汤。而小食就叫咗炸春卷，佢嘅外貌好特别，系用一个竹篮仔，好有越南风味，春卷入面嘅馅有萝卜肉等等春卷炸得香脆之余，外皮又唔会太过松散，咬落去嘅口感的确唔错㖞。