火五越式牛肉粉專門店 (清風街) (已結業)

要数香港嘅食街又点少得天后嘅清风街呢？短短嘅一条街，已经有成10几间特色餐厅，所以今日嚟到，好多野都想食呀！不过见到呢间由太子开到过嚟天后，新开嘅火五越式牛肉粉专门店。呢度嘅价钱唔贵，几10蚊就有一碗粉，好吸引呀！火五特色凤爪餐牌话呢个凤爪会有少少辣，但食落又唔觉㖞。反而个酱汁有少少偏咸。不过，因为冰冰冻冻咁，好开胃。手作大虾米纸卷即叫即整，所以等得耐少少，米纸卷入面有檬粉丝、萝卜丝同青瓜丝，大虾唔算大只，但口感一流，加上鱼露汁，好好味。香茅鸡翼鸡翼偏细只，但胜在外皮够香脆，而且香茅味浓郁。火五火车头牛肉檬火五火车头牛肉粉真系好抵食，材料超丰富，有生牛肉、熟牛肉、牛丸、扎肉等等。而汤底当然系食Pho嘅重中之中啦！试啖佢个汤，就感受到佢系加入咗大量牛骨同香料，味道浓香，但如果个汤可以再热啲就更加高分。浸熟咗嘅生熟牛肉，好嫩滑呀！而粉底仲可以免费加底，好抵食。法式咖喱牛肋捞檬上枱真系哇一声！牛肋嘅粉量超多！牛肋好软腍，够入味。而咖喱汁好多，每条檬粉都上晒汁，好味。（记住Like同Share畀朋友）By A姐M佬 玩乐日记 www.aandmdiary.com