安南 (利園) (已搬遷) 新店位置

我唔知道越南菜有啲乜嘢咁吸引或者好食，我系唔识欣赏或者佢整得几好啊点样啊我都唔知道究竟点为之好食，因为我觉得越南嘢啲味道好淡唔突出，要点鱼露先有味，我真系唔识。见佢有位洗等，就去食午市套餐，汇丰卡有优惠，头盘，前菜，汤粉同甜品，嘢食卖相好靓，分量都好够，只烤鸡都好味嘅，啲肉唔干同柴，但系就无惹味𠮶种感觉，嘅个虾沙律啲菜好唔新鲜，好残旧，变晒色，虾肉好干，应该摆咗好耐，抽干晒水，另外香茅猪肉檬粉，猪肉好食，但檬粉好干又系摆咗好耐咁，真唔知，另外两碗汤粉系好味，啲汤好香，原来最有惊喜就系个甜品，斑兰糕好好食，微微清香清甜，烟烟韧靭，仲暖笠笠，咖啡奶冻又系好正，唔会好甜，淡淡清香咖啡味，清甜口味，佢啲甜品个甜度控制得好好。