越男仔 (已結業)

以前喺铜锣湾返工，好钟意去登龙街食越男仔，简直系我A姐嘅饭堂呀，最钟意佢个越南牛河！不过，自从佢搬离开咗铜锣湾之后，我就无理过呢条越男仔，直到今日行过湾仔，原来佢搬咗嚟呢头，今日就带M佬见吓呢个第三者啦。小食拼盘A拼盘A有春卷、手撕鸡檬纸卷、招牌猪颈肉、酸辣无骨凤爪沙律，份量都好多架。最钟意就系手撕鸡檬纸卷，因为皮够薄，仲有黑胡椒手撕鸡肉配上甘笋丝同青瓜丝，好有呀口；另一惊喜系招牌猪颈肉，因为个皮脆口，而肉就好juicy。蜜糖渍蕃茄原只蕃茄，我不嬲都唔太喜欢，但呢个充满蜜糖嘅冻蕃茄已经去皮，食落仲有柚子嘅甜味，酸酸甜甜，够晒开胃。窝蛋烤牛肉生菜包猪肉生菜包就食得多，窝蛋牛肉饭都食得多，但窝蛋烤牛肉配上生菜包都系一种几新鲜嘅食法！牛肉捞上蛋汁，好香好滑，夹埋生菜好fresh！招牌原只鱿鱼酿咖喱炒饭哗！好大只鱿鱼呀！入面仲有好丰满嘅咖喱炒饭，直头系漏晒出嚟！最满意系啲饭唔会太干身！越式海南鸡饭配黄姜饭海南鸡无骨啖啖肉，又够滑，配上黄姜饭，我对呢条越男仔真系好满意。