影片
更多
2018-10-28
102 浏览
呢间食越南菜嘅第一郡系深水埗已经打出名堂，我食过几次都要排队，人气颇高原来佢系天后都有分店，啲位仲阔落啲添蟹膏蕃茄汤河粉 ($50)呢个蟹膏蕃茄汤河粉/汤檬完全无得输，我差不多次次都会嗌汤底以蟹肉、蟹膏、蕃茄熬成，味道清甜带点蕃茄嘅甜酸，试得出唔系落咗味精而系真材实料！配料都十分丰富，包括以蟹膏、蟹肉、蛋浆整成嘅蟹膏饼、扎肉、猪红、豆卜、蕃茄、生菜、香叶味道方面，主角蟹膏饼啖啖都充满浓郁蟹香，豆卜同猪红吸收晒汤汁嘅精华。扎肉有两款，一款有黑椒粒，较瘦，爽口弹牙; 一款有肥猪膏，较滑。而且仲落左大半个新鲜蕃茄，厚肉又juicy!!!牛腩炖蔬菜 ($55)牛腩炆得够软嫩够入味，萝卜同薯仔都非常腍;酱汁味道既带有蔬菜味，又带有香浓既肉味，酸酸甜甜，有啲似罗𩠌汤十分醒胃！就算有包有肉，食落都唔觉滞。法包烤烘得外香脆内松软，点汁食非常之夹！但要撞正星期六日先有得食~烤猪软包 ($38)软包同样烘至外脆内软，但比起上面嘅法包会松软一点，就算冇酱汁点都易咬易入口馅料方面有咸香惹味嘅嘅猪肉、生菜、芫茜、青瓜、酸萝卜丝，一大口落去会食到唔同嘅味道同口感，好有满足感牛油果沙冰 ($30) & 芒果沙冰 (
蟹膏蕃茄汤河粉 ($50)
呢个蟹膏蕃茄汤河粉/汤檬完全无得输，我差不多次次都会嗌
汤底以蟹肉、蟹膏、蕃茄熬成，味道清甜带点蕃茄嘅甜酸，试得出唔系落咗味精而系真材实料！
配料都十分丰富，包括以蟹膏、蟹肉、蛋浆整成嘅蟹膏饼、扎肉、猪红、豆卜、蕃茄、生菜、香叶
味道方面，主角蟹膏饼啖啖都充满浓郁蟹香，豆卜同猪红吸收晒汤汁嘅精华。扎肉有两款，一款有黑椒粒，较瘦，爽口弹牙; 一款有肥猪膏，较滑。而且仲落左大半个新鲜蕃茄，厚肉又juicy!!!
牛腩炖蔬菜 ($55)
牛腩炆得够软嫩够入味，萝卜同薯仔都非常腍;酱汁味道既带有蔬菜味，又带有香浓既肉味，酸酸甜甜，有啲似罗𩠌汤十分醒胃！就算有包有肉，食落都唔觉滞。
法包烤烘得外香脆内松软，点汁食非常之夹！
但要撞正星期六日先有得食~
烤猪软包 ($38)
软包同样烘至外脆内软，但比起上面嘅法包会松软一点，就算冇酱汁点都易咬易入口
馅料方面有咸香惹味嘅嘅猪肉、生菜、芫茜、青瓜、酸萝卜丝，一大口落去会食到唔同嘅味道同口感，好有满足感
牛油果沙冰 ($30) & 芒果沙冰 ($30)
牛油果沙冰质地其实比较似奶昔，质地系打至幼滑而浓稠厚身，饮落去啖啖都充满浓浓嘅牛油果味道，作为avocado粉丝，攰一攰嘅时候饮到真系好似上咗天堂咁架
芒果沙冰奶味同冰感较重，芒果味道唔太突出，不过都十分消暑解渴
食饱饱同老板娘倾咗两句，先知道原来佢系越南华侨黎，唔怪得感觉上比出面嘅越南菜较为地道总括黎讲，呢间天后分店都保持到一贯水准，而呢个价钱可以食到有质素地道既越南河，性价比真系好高呢
张贴
