品越越式料理 (雅蘭中心) (已結業)

食越南野呀我都可以话系非常有经验，当年系越南公干啦日都食唔同嘅越南食品，返左黎香港之后成日都忍唔住要去食下越南野，但唔系每一间都带到比我真正嘅越南风味。女朋友话揾到间好嘢，要带我去试一试试一试是否真的好像胡志明市。 原来品越呢就唔系传统嘅越南餐厅，而系糅合咗新派东南亚料理各国风格嘅新派餐厅。我哋叫咗碟串烧，沙嗲酱嘅味道唔太咸甜甜地好开胃，食多几转都唔怕滞。 食越南野呀唔识越南鸡翼就等于你唔识食，我哋当然要试一试佢啦。牛油鸡翼好意做得唔好，因为要用好多好多油先至可以整得出干身嘅牛油鸡翼。呢度嘅牛油鸡翼恰到好处，加埋蒜蓉调味牛油有香，一客四只真系好想自己一个食晒佢，可惜女朋友都争住食但又想试吓其他嘢，所以都系忍住先！ 我哋仲叫咗个吞拿鱼木瓜沙律，呢个配搭我可以讲系史无前例，前所未见，非常创新。吞拿鱼微微烧过，配上带啲泰式风情嘅青木瓜沙律，既酸既甜又有啲辣，味道非常有层次而口感亦都带俾你一个多元化嘅享受！