第一郡 (已結業)

天后不嬲都系一个隐藏既美食之城，今日我地就发掘左呢间越南野，店舖不大但店外睇落都几吸引咁！望左个餐牌一阵，我地就叫左蟹膏蕃茄汤河、烤猪肉鸡丝捞檬、斑斓绿豆糕、热咸柠檬水同埋芒果沙冰。蟹膏蕃茄汤河: 食落口有一种几特别既感觉，本身跟餐的是檬粉，转了河粉后河粉更渗入汤既味道，正!不得不大赞的是碗内的蟹膏饼，这个食落后非常香口滋味，如果觉得唔够仲可以额外再比钱追加，钟意食蟹膏既朋友一定唔可以错过!烤猪肉鸡丝捞檬: 不错的主食，烤猪肉好入味，鸡丝亦中上水平，拌捞的鱼露本身已加入了在碗底，捞好就食得~另一重点是这碗捞檬的份量非常多，一个人食既话一定可以食到饱!斑斓绿豆糕: 重点推介的必叫之选!斑斓味好重，食落口有一种好真材实料既感觉，一试难忘!落单果阵听到厨房话得返最后一个，所以拿拿声先叫定一个，果然决定得冇错!热咸柠檬水: 饭后一杯热饮岩岩好，酸咸味岩哂消化一堆食物后饮~芒果沙冰: 男朋友话系佢饮过最好饮既芒果沙冰!!饮落口唔系好重甜味，淡淡芒果带有少少奶味，感觉真材实料制作，唔知用左几多个芒果整成呢?餐牌内其实仲有其他都几吸引既野例如越式法包丶软包，限星期六日供应既蔬菜炖牛腩等，唯有留返下次