第一郡 (已結業)

小弟向来都like越南口味，好似牛肉河𠮶d。今日去朋友屋企作客，佢带我落去食下午茶，话有间叫第一郡嘅越南野几好去试一下。就系呢间Q1第一郡，其实个位置认真麻麻。唔熟路一般唔会行入去呢边，附近好似d工厂，车房，仓𠮶类野。写明系越式传统烹饪，好有期待。，菜牌得两边，落单个靓仔强力推荐星期六日先有嘅蔬菜炖牛腩，一于试下。佢每个菜下面都会写明有咩料系入面。送嚟都几多，牛腩有4-5块，个汁有d蔬菜嘅甜味，红萝卜，薯仔都好软，好好味另外仲有配个法包，包沾上个汁非常正。个牛腩好软熟，几乎入口即溶。另外叫咗一杯牛油果沙冰，用料非常实在，口感好绵稠。味道一流。另外环境布置都几有心思，坐位亦好舒适。总括嚟讲，值得一试。