春嬌越南河

营业中

休息中

之前见到呢间野有好多分店，今次经过就黎试一试。 呢度既烧春鸡同薯条都系即叫即制，落order既时候店员会特别提醒我地要等耐少少，好贴心。虽然要等20-30分钟，但系值回票价既。薯条同烧春鸡都系热辣辣，一切开/叉起个下会冒烟，食落口亦系热辣辣，净系呢点已经加哂分。而烧鸡既味道同口感亦好好，加埋开胃既酱汁，非常好食。 之后就叫左个菠萝肉松炒饭虽然唔系用原只菠萝装住，但好大碟，加哂分。而炒饭亦好有镬气，放上枱个下出住烟，食落香喷喷。加上菠萝肉松同鸡肉都好足料，够饱肚。 店员推荐我地饮呢个百香果茉莉花茶，花茶系用台式饮品既杯装住，几方便。而饮品亦好似台式饮品，百香果味好浓郁，加埋茉莉既清香，几好饮，而且只需要加8蚊，好抵。 而呢个龙眼肉好足料，足足有好几粒，而且味道亦唔错，清香之余亦甜丝丝。