越安喬

营业中

休息中

落咗几日雨，今日趁住天气好又出元朗揾食，来到呢间越式小店，睇餐牌先知道原来系越南家庭来港经营，一于试下正宗越南风味美食。餐厅主菜可以优惠价追加小食，最后加咗一份纸米卷及柑吉鸡翼。生牛肉汤河 :可以拣生或熟牛肉，先试试汤底，味道好鲜甜，餐厅标榜唔落味精，饮完都唔觉得口渴；牛肉份量都几多，浸汤后半熟，食落好香牛肉味。柑吉鸡翼 :鸡翼外皮焗得香脆，肉质依然鲜嫩，柑吉酱甜中带甘味，食落非常开胃。烧猪颈肉纸米卷 :纸米卷口感烟韧，馅料好丰富，除咗猪颈肉外，仲有生菜、甘笋丝及檬粉，沾埋鱼露食更加好味。蛋咖啡 :第一次试蛋咖啡，系以蛋黄取代牛奶做成泡沫效果。上枱时鲜黄嘅蛋及咖啡层次分明，卖相好吸引。入口好浓蛋香味，蛋黄泡沫味道微甜，有d似蛋糕咁，配上咖啡感觉好特别。