PHO 24 (已結業)

前两日同个FRIEND去铜锣湾宜家家私买完嘢, 见到对面皇室堡好多人, 就行过去八吓, 原来方大同签名会, 睇咗阵, 拎住D嘢费事行, 就顺便喺度食埋嘢。行到戏院𠮶层一望就见到间绿色餐厅, 行埋去睇睇个MENU, 先知完来系食越南嘢嘅, 门口个姐姐叫我试吓, 话佢哋喺越南有好多分店, 好出名, 见佢咁落力咁,我又试吓啦。一入去, 好大, 仲有露天座位望到维园同中央图书馆, 但太热所以我哋无坐出去。我哋叫咗虾饼捞檬, 生牛肉牛筋河, 木耳猪肉蒸粉卷同炸春卷, 侍应话饮品特价同免茶钱,所以又叫多杯绿豆冰。虾饼捞檬:虾饼几弹口, 够涨, 个汁酸酸甜甜几开胃生牛肉牛筋河: 牛肉有膻味, 牛筋无味, 但河粉就几弹牙木耳猪肉蒸粉卷: 我觉得依个最好味, 皮够薄, 馅足够味, 上面扎肉同芽菜, 爽爽地炸春卷: 馅同个粉卷好似差唔多, 但炸得几香口, 够松身, 唔似出面𠮶咁实值得一赞嘅系服务, 个侍应见我哋拎住咁多嘢, 就主动拍多张枱俾我哋, 见我哋用手食春卷又会俾湿纸巾, 非常细心, 赞!