越味皇 (已結業)

今日同朋友去荃湾买野，所以就系个头拣左间越式野食。串烧是必嗌的，由其系鸡肉，肉质嫩滑而且非常惹味，沙嗲酱都好浓郁，令人有想再食既冲动。椒盐炸软壳蟹炸得好脆好干身，椒盐味都算重，调味调得几好。本身谂住嗌通菜但卖哂，所以嗌左越式马拉盏配油麦菜，啲菜几新鲜，系估唔到都几辣下，不过辣得黎都几好食，但食唔到辣既就唔建议食，可以试吓清炒蒜蓉或者越式蟹头膏。招牌炒饭有好多细细粒既海鲜系入面几有咬口，味道比较清淡，仲有两只炸虾，都唔会太腻。然后牛油蒜蓉鸡翼都系必嗌，新鲜热辣辣炸到卜卜脆，入面肉质嫩滑，仲有阵阵牛油同蒜香味，味道浓郁。仲有柚子鲜虾沙律，睇个名以为有普通鲜虾，但原来系炸鲜虾，味道酸酸甜甜，柚子都几爽口，整体都唔错既。然后食越式野通常都会嗌椰汁冰，呢间既椰汁冰都唔错，几香滑，椰汁味都浓郁。而朋友见到越式滴漏咖啡有个👍🏻又几特别就试下，香味浓郁醇厚，略带苦涩回甘，佢最底系奶，落既份量可以自己决定。