越滿 (已結業)

冻冰冰去食饭，之前都有饮过呢间越南菜，点知而家新出左越南鸡煲，就叫个2人份量试下。鸡件数量都几多，有劲多越式香料。鸡件香辣惹味，同一般鸡煲唔同，多左越式香茅、九层塔等香料，味道更有层次。鸡脾菇新鲜，吸收左辣汁香料的精华，一入口已经刺激味蕾。我地另外叫左个猪颈肉菠萝炒饭，猪颈肉烧得几香口，炒饭粒粒分明，唯菠萝份量较少。扎肉金边汤粉，扎肉唔会好粗糙，扎肉同金边粉都几爽口，汤头清清地可平衡返刚才食的辣鸡煲味道。推荐蔗虾棒，虾丸炸至脆身，包系蔗棒外。虾丸爽口弹牙，好惹味~青柠梳打，梳打另上有诚意！个人觉得2人份鸡煲几抵食唯马拉盏通菜略微唔够味，比较清淡